Testo: l'acqua e la rosa
Ah chi vo' vèvere
a chi vo acqua de chesta funtana
l'acqua è na canzone nova
ca te scorre tra li mani
ah l'acqua fresca
è 'na canzone ca nun po' fernire
tutto lu viecchio che è passato
tutto lu novo c'adda venire
Pe na storia mai cuntata
pe l'ammore de la figliola
pe 'nu viento profumato
ca te porta quanno vola
A sta funtana ce voglio venire
per puterla accarezzare
comme na storia bella da sèntire
comme na vocca bella da vasare
Dice lu ditto antico nun cagnare
la strada vecchia ppè la strada nova
pecchè nun saie che può truvare
ma io so' pazzo e voglio fà la prova
ah chi vo trasire
a chi vo a rosa de chesto ciardino
pe' la rosa na curona
de diamante e di rubini
ah chi vo parere
la chiù bella de lu paese
a chi la coglie tutte le mattine
la rosa fresca de stu ciardino
E' na lacrima de stelle
è la terra ca se la sposa
la carezza de l'acqua chiara
ca fa nascere la rosa
e ce nasce cu lu sole
e ci more cù la luna
chella rosa sfurtunata
campa solo na iurnata
Campa na iurnata sola
ma a me me pare na fortuna
si ce more cu la luna
e po' ce nasce cu lu sole
MA che sò l'acqua e la rosa
sò na scusa pè campà
e pe ve dice tutte li cose
ca ce fanno 'nnammurà
Me fa minestra ce vò sale e pepe
ma si ce metti pepe e sale
e vota gira la minestra
quel che resta, resta tale e quale.
Chesta canzone l'aggiu inventata
pe fa cuntentu e chine a vuò sentì
ma u tiempu passa che peccatu
ca sta canzone non pò fernire.
Nessun commento:
Posta un commento